Rafmagn framleitt með sjó.

Vatnið á Íslandi er eitt af því sem ég sakna mest þegar ég hef dvalist meira en  viku erlendis. Það er ekki einungis að maður þurfi að greiða fyrir vatnið erlendis, heldur jafnast ekkert á við það að drekka ískalt vatnið, beint úr íslenska krananum. 

Eins og ég hef áður bent á, þá verða vatnsréttindi sífellt verðmætari. Nú bendir ný og stórkostleg tækni, einnig til þess að land sem hefur aðgang að sjó, muni einnig verða verðmætara og þess mun ekki langt að bíða. 

Þessi tækni, ný eða gömul, er framleiðsla rafmagns með sjávarföllum (öldum). Í dag notar plánetan okkar 14.000 þús Twh af rafmagni, en talið er að virkanlegt afl í sjávarföllum sé 80.000 Twh. Tæknin sem er notuð, er ekki ósvipuð þeirri sem notuð er í vindmyllum, sem framleiða rafmagn, þ.s það eru notaðar svipaðar túrbínur. Ólíkt vindinum eru sjávarföllin mjög áreiðanleg til rafmagnsframleiðslu og engin sjónmengun er til staðar. Eins og staðan er í dag er þetta dýr framleiðsla en það mun breytast á skemmri tíma en við höldum. 

Bandaríkjastjórn hefur nýverið, sett ný lög sem heita  “Marine and Hydrokinetic Renewable Energy Promotion Act” sem leyfa fyrirtækjum að draga frá skatti fjárfestingar í sjávarfalla-iðnaðinum. Einnig hefur þingið veitt 50 miljónum dala árlega í rannsóknarstyrk. Í síðustu viku, byrjaði tilraunaverkefni með sjávarfalla rafmagnsframleiðslu í Cornwall á Englandi. Þetta verkefni mun sjá um 7500 heimilum fyrir rafmagni.  

 Eins og allir Íslendingar vita, þá búum við á eyju, umkringd Atlandshafinu. Þetta skapar okkur gífurlega möguleika í framtíðinni og er þó nóg af þeim fyrir.   

Athugasemdir

[Þorsteinn Ingimarsson (IP-tala skráð) 1.5.2007 kl. 16:48]

Það var gerð tilraun með þetta fyrir nokkrum árum í sjónum fyrir utan Stykkishólm með góðum árangri.  En síðan var tilrauninni hætt, illar tungur segja að þar hafi Landsvirkjun komið að máli.

[Haukur Nikulásson, 1.5.2007 kl. 23:53]

Ég hef tröllatrú á að það sé hægt að virkja orku sjávar. Held að hún verði næsta orkubyltingin.

[Birgir Guðjónsson, 2.5.2007 kl. 00:24]

Sammála því Haukur og það er nær í tíma en fólk heldur.

[Ævar Rafn Kjartansson, 2.5.2007 kl. 14:44]

Fyrir meira en ruttugu árum síðan las ég grein í bók útgefinni 1926 ef ég man rétt. Man ekki bókatitilinn en sagan Dómsdagur eða eitthvað álíka. Í stuttu máli snerist pælingin um að menn væru búnir að virkja sjávarföllin svo mikið að snúningur jarðar hefði hægt á sér þannig að dagur var mánuðir og eins nótt. Að endanum rifnaði jörðin. Kannski ekki mjög vitrænt hehe.

 Það er ekki spurning að virkjanir sjávarfalla verður góður kostur í framtíðinni. Datt bara í hug að láta þetta fylgja með. Þetta er sem sagt eitthvað sem menn hafa hugleitt allavega frá 1926.

[Birgir Guðjónsson, 3.5.2007 kl. 00:01]

Sæll Ævar,

Eflaust hafa einhverjir vísindamenn, hugsað út í virkjun sjávarfalla en skort verkfærin sem eru til reiðu í dag. Þessu má líkja við, að í mörg hundruð ár, langaði mannverunni til að fljúga eins og fuglarnir og einn daginn varð það að veruleika.