Frjálsi fuglinn.

Sá aðeins fyrirsögnina á fréttinni um að Þorleifur frá Holti hefði sést í Suður-Englandi. Þetta vakti forvitni mína. Þetta hefði getað verið síðasti framsóknarmaðurinn flúinn að hólmi , nú eða einhver alræmdur bófi og hestaþjófur. Ég opnaði því fréttina til að lesa nánar um Þorleif frá Holti.

Nei, það kom í ljós að fréttin er um fallegan fugl sem skýrður var Þorleifur. Hann ferðast til Frakklands og Englands og þess á milli sækir hann okkur heim á klakann. Þorleifur þarf ekkert að spá í eftirlit ríkisins með ferðamönnum, þrátt fyrir að hafa vaðið alla svæsnustu drullupollana í France og UK. Nú og ekki þarf hann að eiga við ferðaskrifstofurnar og "flugfélögin tvö"  eins og við hin.

Fjölskyldan er þessa dagana að spá í sólarlandaferð. Án þess að hafa gert vísindalega samanburð á verði sumarið 2007 miðað við undanfarin tvö ár þá finnst mér samt sem áður að verðið hafi hækkað allnokkuð. Eitthvað rámar mig í að eigandi Heimsferða hafi fullyrt opinberlega fyrir um 2 árum síðan að verð á sólarlandaferðum ættu að lækka verulega fyrir íslendinga í kjölfar þess að Heimsferðir keyptu tvo mjög stóra ferðaheildsala á norðurlöndum ! Ekki get ég séð það á verðlagningunni.

Þorleifur frá Holti sást í Suður-Englandi

Athugasemdir

[Ólafur Als, 7.3.2007 kl. 16:54]

Spurning hvort fjölskyldan ætti ekki að fá sér far med Þorleifi ... hvernig væri nú að gera smá úttekt á verðlaginu og fá á hreint hvort fullyrðing ferðafrömuðarins standist? Annars góð mynd - var búinn að gleyma hve myndarlegur kappinn er!

[Birgir Guðjónsson, 8.3.2007 kl. 00:55]

Ég er hræddur um að það þyrfti verulega styrkingu á Þorleif flugkappa ef hann ætti að bera alla fjölskylduna. Varðandi samanburðinn þá á ég ekki bæklinga frá því í fyrra og árunu þar á undan enda er það ekki eitt af áhugamálunum að safna ferðabæklingum. En sjáum til, ég set þetta í nefnd.