Eurovision-HISSA

Var að horfa á frumsýningu á Eurovision myndbandi Eiríks Haukssonar. Eftir að hafa lesið bloggið hjá femínistanum og VG-konunni Sóley Tómasdóttur stóð ég mig óvart að því að telja karlmennina í myndbandinu. Fyrst voru 4 karlmenn í bílnum sem brunaði um sveitaveginn, síðan 5 og í endan voru þeir 6.  Þeir sem trúa þessu ekki skulu skoða myndbandið aftur. Það var ekkert klám, bara karlmennskan beint í æð. Karlmenn í íslenskri náttúru, á blæjubíl, frjálsir, hárið sveiflaðist í vindinum.....

Dóttir mín, benti mér á að vera ekki að lesa þessi "VG-femínistablogg" það væri andlega hættulegt !

 

Athugasemdir

[Þorsteinn Ingimarsson (IP-tala skráð) 12.3.2007 kl. 22:58]

Afhverju er hárið á Eiríki ekki lengur rautt?

[Haukur Nikulásson, 12.3.2007 kl. 23:00]

Var að setja enska textann (vonandi sæmilega réttan) á söngtextasíðu Davíðs (www.midja.is/david/textar). Myndbandið truflar mig ekki en breytingin á laginu er mér ekki að skapi. Hafði viljað þyngja taktinn frekar en létta og raddaða gítarsólóið í keppnisútgáfunni var mér frekar að skapi. Enski textinn er frekar útvatnaður skratti illskiljanlegt og sundurlaust bull sem er ætlað að hljóma bara vel í söng en nálgast mann ekkert. Ég reyndar efast um að nokkur enskumælandi manneskja léti þetta út úr sér. Eiki er hins vegar bara flottur og tími til kominn að karlarnir skíni án öfgafullu femínistanna!